1 - Eta le anava le šiave katar o Israel, kai avile ande e Ezipta le Jokovoso ai e familia sakoneski anda lende.
2 - Ruben, Simeon, Levi, Juda,
3 - Isakar, Zabulon, Benzamin,
4 - Dan, Neftali, Gad ai Aser.
5 - Le zene avile katar o Jakob sas efta-var-des ande sa. O Jozef sas antunci ande e Ezipta.
6 - O Jozef mula, vi sa leske phral ai sa kudia vica.
7 - Le šiave anda o Israel arakhadile but ai butile, von bution ai arasle but mai but zurale. Ai o cem pherdile lendar.
8 - Ustilo pe e Ezipta jekh nevo amperato, kai ci zianelas kon si o Jozef.
9 - Vo phenel ka pesko narodo: Eta le glati anda o Israel kai keren jekh narodo mai but ai mai zuralo sar amende.
10 - Zias! zikaduvas xitri karinglende; tena mukas te butione, ai ke, thavela jekh marimos, von zias ka amare dušmaia, te maren-pe pe amende ai te anklen antunci ando o cem.
11 - Ai code pe leste bare buciake, eta te con pe lende bucia phare. Sa kadia von marde le foruri Pitom ai Ramses, thaven magazini le Faraonoske.
12 - Numa mai but phariaren le, mai but butione ai barione; ai line vurrecia pe le šiave anda o Israel.
13 - Antunci le Eziptianuri code le šiave katar o Israel tela jekh zurali slugia.
14 - Ton kerde thavel lenge traio griaca katar le trudni bucia ando arzilo ai ande le cigli, ai katar sa le bucia le kimponge; ai sas nasulimasa ke denas len sa kudala perimos.
15 - O amperato anda e Ezipta mai del duma ka le zuvlia kai arakhen le šiavorren katar le Ebreu, busiol jekh Šifra, ai e kaver Pua.
16 - Vo phenel lenge: Kana tume ziana ka le zuvlia katar le Ebreu ai Rama tume dikhena le pe le skamina, thavel jekh murš, mundaren les; thavela jekh zuvli, muken la te trail.
17 - Numa le zuvila-glatenge daraile katar o Del, ai von ci kerde so phendiasas lenge o amperato anda e Ezipta; von mukle te train le glati.
18 - O Amperato anda e Ezipta akharel le zuvlia-glatenge, ai phenel lenge: Sostar tume kerdiam kadia, ai muklian tume te train le glati?
19 - Le zuvlia-glatenge del palpale ka o Faraono: Ke le zuvlia katar le Ebreu nai sar le zuvlia katar le Eziptinaki; von si zuralia ai si le glati mai anglal thavel e zuvli-glatengi.
20 - O Del kerel mistimos le zuvlia-glatenge; ai o narodo butiol ai araslo sasem but.
21 - Ke le zuvlia-glatenge sas le dar katar o Del, o Del kerdias ke barvavol lenge kher.
22 - Antunci o Faraono dias kacia ordina ka sa pesko narodo: Tume sudena ando o pai sako šiavorro kai arakhadiola, ai tume mukena te train sa le seia.
KAPITOLO 2
1 - Jekh manuš katar a kher o Levi liasas pesko romni jekh šei katar o Levi.
2 - Kudia zuvli avile phari ai sas la jekh šiav. Voi dikhlias ke sas šukar, ai voi garadias les trine sione.
3 - Nastil mai garavel les, voi lias jekh jastiko anda o Zonk, codias pe leste gudrono ai pua; voi codias andre la glata, ai muklias les maskar le rraiorra po berego le paiesko.
4 - E phei la glataki ninkerelpe na dur, te zianel sa avela lesa.
5 - E sei le Faraonoski vulisti ka o pai te naiol, ai lake vurtaci phiravenpe po lungo le paiesko. Voi dikhlias o jastiko maskar le rraiorra, ai voi tradias peska sluga te lel les.
6 - Voi puterdias les, ai dikhlias la glata: sas jekh cinorro šiavorro kai roofless. Voi lake sas mila, ai voi. phenel: Si jekh glata katar le Ebreu!
7 - Antunci e phei le šavorreski phenel ka e sei le Faraonoski: Kames te ziav te rodav tuke jekh nurisa maskar le zuvlia katar le Ebreu, te del cud kadale šiavorres?
8 - Zia, del la palpale e sei katar o Faraono. Ai e terni sei geli te rodel e dei le šavorreski.
9 - E sei katar o Faraono phenel lake: Ninger kadales šiavorres, ai de les cuci mange; putinava tuke. E zuvli lias le šiavorres, ai dias les cuci.
10 - Kana vo barilo, voi ningerdias les ka e soi le Faraonoski, ai vo sas lake sar jekh šiav. Voi dias les o anav Moise, ke. phenel vai, lem les anda o pai.
11 - Ande kudia vramia, o Moise, barilo, gelo karing peske phral, ai dikhlias lengi trudno buci. Vo dikhlias jekh Eziptiano kai marel las jekhe Ebreu maskar leske phral.
12 - Vo dikhel pe jekh rig ai pe kavar, ai, dikhlias ke nai khonik, vo mundardias le Eziptianos, ai karadias les ande e tisai.
13 - Vo anklisto o kaver dies; ai eta, dui Ebreu marenaspe. Vo phenel kudalesko kai sas dosalo: Sostar mares tu tire vurtakos?
14 - Ai kudo manuš del palpale: Kon codias tu baro ai krisinitoti pe amende? Gindis tu tu te mundares ma, sar mundardian le Eziptianos? O Moise darailo, ai phenel: Kadia diela zianen la.
15 - O Faraono asundias so naklias, ai vo rodel te mundarel le Moisos. Numa o Moise naslo angla o Faraono, ai vo gelotar ando o cem o Madian, kai vo aterdiol paša jekh xaing.
16 - O Sakrifikatori ando Madian sas les efta šeia. Von avile te len pai, ai von pherde le vadri te pen le zigeni lenge dadeske.
17 - Le pastuxhuri avile, ai nasade len. Antunci o Moise ustilo, mardiaspe anda lende, ai dias te pen lenge zigeni.
18 - Kana arasle palpale paša o Reul, lenge dat, vo phenel: Sostar tume aven sito adies?
19 - Von dine palpale: Jekh Eziptiano skipisardias ame ando o vas le pastuxhongo, ai inke vo lias amenge pai, ai dias te pen le zigeni.
20 - Ai vo phenel peske seiange: Kai la vo? Sostar tume muklia kudale manušes? Akharen les, te lel voreso xamos.
21 - O Moise mukliaspe te bešel ka kudo manuš, kai dias le romni e Sefora, leski sei.
22 - Voi dias les jekh šiav, kai vo dias les o anav Guersom, ke, phenel vo, me bešav jekh cem streino.
23 - But vramia pala kudia, o amperato la Eziptiako mulo, ai le šiave katar o Israel vatinpe mai tela sluzecia, ai phurden cipimos. Kudala cipimos, kai lenas le ande e sluzecia, ankliste zi ka o Del
24 - O Del asundias lenge vatimos, ai diaspe godi ka peski pacia katar o Abraham, Isak ai Jakob.
25 - O Del dikhel pe le šiave katar o Israel, ai vo sas leske mila.
KAPITOLO 3
1 - O Moise delas te xan le zigeni katar o Jetro, lesko sokro, sakrifikatori katar o Madian; ai vo ningerdias le zigeni palal o deserto, ai avilo ka o plai le Devlesko, ando o Oreb.
2 - O anzelo katar o Baro Del sikadilo leske ande jekh parra jagaki, maskar jekh rrito. O Moise dikhel; ai eta, o rrito sas ande ei jag, ai o rrito ci bilalas.
3 - O Moise phenel: Me kamav te dama rigate te dikhav so si kado baro dikhimos, ai sostar o rrito ci bilal.
4 - O Baro Del dikhel ke vo delpe rigate te dikhel; ai o Del akharel Les maskar o rrito, ai phenel: Moise! Moise! Ai vo del palplae: Eta ma!
5 - O Del phenel: Na pašu kace, le tire papuci anda le punrre, ke pe kudo kai tu bešhes si jekh phuv suinto.
6 - Ai vo mai phenel: Me sim o Del tire dadesko, o Del katar o Abraham, o Del katar o Isak ai o Del katar o Jakob, O Moise garavel pesko mui, ke lesko sas dar te dikhel le Devles.
7 - O Baro del phenel: Dikhlem e duk mirre narodoski kai si ande e Ezipta, ai asundem lengo hango kai keren te cipil kudala kai nekezine le, ke zianav lenge cino.
8 - Me vulistem te lav le anda o vas le Eziptiango, ai te ankalavav le avri anda kano cem ande jekh lasio ai baro cem, ande jekh cem kai pitial o cud ai o abdine, ande le cana kai bešen le Kananenuri, le Etienuri, le Amorenuni, le Ferezianuri, le Evienuri ai le Zabusienuri.
9 - Eta, le cipimos katar o Israel avile zi mande, ai dikhlem o pharimos kai keren le te dukhal le Eziptianuri.
10 - Akana, zia, tradav tu paša o Faraono, ai tu ankalavesa avri anda e Ezipta mirre narodos, le šiave katar o Israel.
11 - O Moise phenel ka o Del: Kon sim me, te ziav ka o Faraono, ai thankalavav avri anda e Ezipta le šiave katar o Israel.
12 - O Del phenel: Me avava tusa, ai kacia avela tuke semno ke me sim kai tradem tut: kana ankalavesa avri anda e Ezipta le narodos, tume sluzina le Devles pe kado plai.
13 - O Moise phenel ka o Del: Ziava karing le šiave katar o Israel, ai me phenava lenge: O Del tumare dadenko tradel ma karing tumende. Numa, te pusiena man sar si lesko anav, so dava me palpale?
14 - O Del phenel ka o Moise: Me sim kudo kai sim. Ai vo mai phenel: Kadia tu desa palpale ka le šiave katar o Israel: Kudales kai akharen ,,Me sim'' tradias ma karing tumende,
15 - O Del mai phenel ka o Moise: Tu desa duma kadia ka le šiave katar o Israel: O Baro Del, o Del tumare dadengo, o Del katar o Abraham, o Del katar o Isak ai o Del katar o Jacob, tradias ma karing tumende, Eta murro anav pe sakda, eta murro anav vica vicatar.
16 - Zia, tide le phuren anda o Israel, ai phen lenge: O Baro Del, o Del tumare dadengo, sikadilo mange, o Del katar o Abraham, katar o Isak ai katar o Jakob. Vo phendias mange: Me dikhlem tume, ai me dikhlem so kerde tumenge ande e Ezipta.
17 - Ai me phendem: Me ankalavava tume anda e Ezipta, kai tume cinuin, ando o cem de Kananenuri, Etienuri, Amorenuni, Ferezienuri, Evienuri ai Zebusienuri, ande jekh cem kai pitial o cud ai o avdine.
18 - Von asunena tiro hango; ai tu ziasa, tu ai le phure anda o Israel, paša o amperato anda e Ezipta, ai tume phenena leske: O Baro Del, o Del katar le Ebreu, sikadilo amenge. Muk ame te zias trine dies ando deserto, te das sakrifisuri ka o Baro Del, amaro Del.
19 - Me zianav ke o amperato anda e Ezipta ci mukela tumen te zian, tena avela jekh vas zuralo.
20 - Me cava murro vas, ai me malavava la Eziptia pa sako prodizio kai kerava maskar late. Pala kudia, vo mukela tume te ziantar.
21 - Me inke kerava te arakhen mistimos ka le jakha le Eziptianonge, ai kana tume zianatar, tume ai zianatar nange.
22 - Sa ka zuvli mandela katar peski vortaka ai ka kudala kai bešen ande lako kher kanti rupune, kanti sunakune, ai calia, ke tume cona pe tumare šiave ai seia. Ai tume corrarena le Eziptianon.
KAPITOLO 4
1 - O Moise del palpale, ai phenel: Eta, von ci patiana ma, ai von ci asunena murro hango. Numa von phenena: O Baro Del ci sikadilo tuke.
2 - O Baro Del phenel: So ai ande tiro vas? Vo del palpale: Jekh rovli.
3 - O Baro Del phenel: Šude la pe e phuv. Vo šudias la pe e phuv, ai voi kerdili jekh sap. O Moise naslo angla leste.
4 - O Baro Del phenel ka o Moise: Co tiro vas, ai le les katar e pori. Vo codias o vas ai lias les; ai o sap kerdilo jekh rovli. ande lesko vas.
5 - Koce, phenel o Baro Del, so tu keresa, eta ke von te patianpe ke o Baro Del, o Del lenge dadenge, sikadilo tuke, o Del katar o Abraham, o Del katar o Isak ai o Del katar o Jakob.
6 - O Baro Del mai phenel leske: Co tiro vas pe tiro pex, ai codias o vas ande posko pex; porme, vo cirdias la, ai eta, lesko vas sas pherdo lepra, parno sar o iv.
7 - O Baro Del phenel: Mai co tiro vas ande tiro pex. Vo codias pesko vas ande pesko pex; porme cirdias les anda pesko pex, ai eta, vo pale avilo sar o mas.
8 - Te von ci patiana tu, phenel o Baro Del, ai ci asunena o hango de pervo semno, von patianape ka o hango de pasledno semno.
9 - Te von ma patianape ka kadala dui semnuri, ai ci asunena tiro hango, tu lesa pai anda o pai baro, tu desa les muial pe e phuv, mai o pai kai tu lesa ando o pai baro kerdiola rat pe e phuv.
10 - O Moise phenel ka o Baro Del: A! Baria, me ci sim jekh manuš kai si les e vorba lasi, ai nai d'aratiara, ci de kaver arati, ci inke dekine tu des duma tira sliugasa; ke si murro mui ai mirri sib mešaime.
11 - O Baro Del phenel leske: Kon kerdias o mui le manušesko? ai kon kerel thavel muto vai kašuko, dikhel vai korro? Nai ke me, o Baro Del?
12 - Zia kadia, me avava tire muso, ai me sitiarava tut so si te phenes.
13 - O Moise phenel: A! Baria, trade kas tu kames te trades.
14 - Antunci e xoli le Bare Devleski phabuli pe o Moise, ai vo phenel: Nai tiro phral o Aron, o Levito? Zianav ke dela duma misto. Eta-lo vo inke, kai avel angla tute; ai, kana dikhela tut, vo avela veselo ande pesko ilo.
15 - Tu desa lesa duma, ai tu cosa le vorbi ande lesko mui; ai me, avava tire musa ai leske musa, ai me sitiarava tumen so si te keren
16 - Vo dela duma tuke ka o narodo; vo avela tiro mui, ai tu avesa leske ande o can le Devlesko.
17 - Le ande tiro vas kadia rovli, kaša tu keresa le semnuri.
18 - O Moise gelotar; ai, palpale ka o Jetro, lesko sokro, vo phenel leske: Muk ma, mangav tutar, te ziav ka mirre phral kai si ande e Ezipta, eta te dikhav te si von mai zivinde. O Jetro phenel ka o Moise: Zia paciasa.
19 - O Baro Del phenel ka o Moise, ando Madian: Zia, ambolde palpale ande e Ezipta, ke sa kudala ka kamenas te len tiro traio mule.
20 - O Moise lias peska romnia ai peske šiaven, codias le thanklen pe le magari, ai anboldias ando o cem Ezipta. Vo lias ande pesko vas e rovli le Devleski.
21 - O Baro Del phenel ka o Moise: te ziastar palpale en e Ezipta, dik sa le prodizi kai cav ande tiro vas: tu keresa le angla o Faraono. Ai me, zuralava lesko ilo, ai vo ci mukela te Zialtar o narodo.
22 - Tu pheneasa ka o Faraono: Kadia del duma o Baro Del: O Israel si murro šiav, murro pervo arakhado.
23 - Me phenav tuke: Muk te zialtar murro šiav, te sluzil ma; tena tu mukena les te zialtar, eta, kerava te xasavol tiro šiav, tiro pervo arakhado.
24 - Kana sas po drom, ande jekh can kai o Moise nakhel e riat, o Baro Del atakasardias les ai kamelas te mundarel les.
25 - E Sefora lias jekh bax kucome, sindias e diela peski šiaveski, ai sudias les ka le punrre le Moisoske, phenelas: Tu san mange jekh rom ratesko.
26 - Ai o Baro Del muklias les. Si antunci ke voi phenel: Rom ratesko! pala o sinimos.
27 - O Baro Del phenel ka o Aron: Zia ando o deserto angla o Moise. O Aron gelo; vo arakhlias o Moise ka o plai le Devlesko, ai vo cimidias les.
28 - O Moise phenel ka o Aron sa le vorbi kai o Baro Del tradias leske, ai sa le semnuri kai dias les ordina te kerel.
29 - O Moise ai o Aron gele pengo drom, ai von tidine sa le phurre šiave anda o Israel.
30 - O Aron phendias sa le vorbi ka o Baro Del phendiasas ka o Moise, ai vo kerdias sa le semnuri angla le jakha le narodoske.
31 - Ai o narodo patiardiaspe. Von atiarde ke o Baro Del avilo te dikhel le have katar o Israel, ke vo dikhlias lengi duk; ai von bandile ai klanisaile.
KAPITOLO 5
1 - O Moise ai o Aron gele antunci paša o Faraono, ai von phenen leske: Kadia del duma o Baro Del, o Del katar o Israel, muk te zoaltar murro narodo, te kerel ando o deserto jekh prasniko pe mirro pativ.
2 - O Faraono del palpale: Kon si o Baro Del, te kerav me pe lesko hango, te mukav te zialtar o Israel? Me ci zianav o Baro Del, ai ci mukav te zialtar o Israel.
3 - Von phenen: O Del katar le Ebreu sikadilo amenge. Muk ame te keras trine dies te phiras ando o deserto, te das sakrifisuri ka o Baro Del, eta ke vo tena malavel ame katar o pono vai katar e sabia.
4 - Ai o amperato anda e Ezipta phenel lenge: Moise ai Aron, sostar tume don rigate le narodos katar peski buci? Zian ka tumari buci.
5 - O Faraono phenel: Eta, kado narodo ai akana but ando o cem, ai tume kerena te mukel peske bucia!
6 - Ai ande kudo dies, O Faraono del kacia ordina ka le zistikuri le norodeske ai ka le komisaria:
7 - Tume ci mai dena sar mai anglal suluma ka o narodo te keren cigli; te zian inke von te tiden le suluma.
8 - Tume cona lenge te keren sa jekh fialo cigli sar kerenas mai anglal, tume ci lena mai xanci; ke von si khaile; sa anda kudia von cipine, phenenas: Zias te das sakrifisuri ka amaro Del!
9 - Ke te den buci kudalen manušen, thavel len so te keren, ai von ci mai lena sama ka le vorbi xoxamne.
10 - Le zistikuri le narodoske ai le komisaria avile te phenen ka o narodo: Kadia del duma o Faraono: Ci mai dav tume suluma;
11 - Zian tume te len suluma kai tume arakhena, ke ci las kanci tele anda tumari buci.
12 - O narodo gelo ande sa o cem ande e Ezipta, te tidel šomo ando can le sulumengo.
13 - Le zistikuri grebine le, phenenas: Geton tumari diela, dies pala diešeste, sar thavel tume suluma.
14 - Marde inke le komisaren katar le šiaven anda o Israel, code bare pe lende katar le zistikuri le Faravonoske: Sostar, phenen von, ci kerdian tume araci ai adies, sar mai anglal, jekh fialo cigli sar sas tumenge phendo?
15 - Le komisaria katar le šiave anda o Israel gele te vatinpe ka o Faraono, ai phende leske: Sostar keres tu kadia ande tire slugi?
16 - Ci den suluma tire slugen, ai phenen amenge: Keren cigli! Ai eta, tire slugi si marde, sar ke tiro narodo si dosalo.
17 - O Faraono del palpale: Tume san khaile, khaile! Eta sostar tume phenen: Zias te das sakrifisuri le Bare Devles!
18 - Akana, zian keren buci; ci dena tumen suluma, ai tume dena sa jekh fialo cigli.
19 - Le komisaria katar le šiave anda Israel dikhle le keren lenge nasul, phende lenge: Tume ci kerena kanci mai xanci anda tumare cigli; sako dies e buci sako dieseski.
20 - Kana ankliste avri katar o Faraono, von arakhle o Moise ai o Aron kai azukerenas len.
21 - Von phenel lenge: Ke o Baro Del dikhel pe tumende, ai te del tume kris! Tume kerdian thavas vurrici ka o Faraono ai ka leske slugi, tume codian jekh sabia ande lenge vas te mundaren amen.
22 - O Moise gelo palpale ka o Baro Del, ai phenel: Baria, sostar tu kerdian nasul kadale narodoske? Sostar tu tradian ma?
23 - De kine gelem karing o Faraono te dav duma ande tiro anav, vo kerel nasul kadale narodoske, ai tu ci skipisardian tire narodos.
KAPITOLO 6
1 - O Baro Del phenel ka o Moise: Tu dikhesa akana so kerava le Faravonoske; jekh vas zuralo kerela te mukel te ziantar, jekh vas zuralo kerela te del len avril anda pesko cem.
2 - O Del mai del duma ka o Moise, ai phenel leske: Me sim o Baro Del.
3 - Me sikadilem ka o Abraham, ka o Isak ai ka o Jakob, sar o Del sasem zuralo; numa ci zianen ma von pe murro anav, o Baro Del.
4 - Me codem mirri pacia lencar, te dav le o cem o Kanan, o cem kai von phirde, ande savo von besle.
5 - Me asundem o vatimos katar le šiave anda o Israel, kai le Eziptianuri ninkerenas tela sluzecia, ai me dema godi ka mirri pacia.
6 - Sa anda kudia phen ka le šiave katar o Israel: Me sim o Baro Del, me lava tume katar le bucia kai cinuin tume le Eziptianuri, me lava tume anda lengi sluzecia, ai me skipiva tume po vas opre ai katar le bare krisa.
7 - Me lava tumen thaven murro narodo, me avava tumaro Del, ai tume zianena ke me, o Baro Del, tumaro Del, kai lel tumen katar le bucia kai cinuin tume le Eziptianuri.
8 - Me kerava thaven ando o cem kai solaxadem te dav ka o Abraham, ka o Isak ai ka o Jakob; me dava les thavel tumaro, me o Baro Del.
9 - Kadia del duma o Moise ka le šiave katar o Israel. Numa e dar ai e zurali sluzecia ci mukel len thasunen ka o Moise.
10 - O Baro Del del duma ka o Moise, ai phenel:
11 - Zia, de duma ka o Faraono, amperato anda e Ezipta, te mukel te ziantar le šiave katar o Israel avri anda o cem.
12 - O Moise dias palpale angla o Baro Del: Eta, le šiave katar o Israel ci asunde mande; sar o Faraono asunela mande, me kai nai ma e vorba sigo.
13 - O Baro Del del duma ka o Moise ai ka o Aron, ai dias len ordini pe le šiave katar o Israel ai pe o Faraono, amperato ande e Ezipta, thanklen avril anda o cem o Ezipta le šiave katar o Israel.
14 - Eta le bare katar lenge famili, šiav katar o Ruben, pervo arakhado anda o Israel: Enok, Palu, Etsron ai Karmi. Kace si le famili katar o Ruben.
15 - Šiave katar o Simeon: Zemuel, Zamin, Oad, Zakin ai Cosar; ai Saul, šiav katar e Kananea. Kace si le famili katar o Simeon.
16 - Eta le anava katar le šiave katar o Levi, lenge šiavencar: Gueršon, Keat ai Merari. Le berš le traioske katar o Levi sas de jekh šel ai trianda efta berš.
17 - Šiave katar o Gueršon: Libni ai Šimei, ai lenge famili.
18 - Šiave katar o Keat: Amram, Zitsear, Ebron ai Uziel. Le bars le traioske katar o Keat sas jel šel ai trianda trine berš.
19 - Šiav katar o Merari: Makli ai Muši. Kace si le famili katar o Levi, so sas lasa.
20 - O Amram lias peske romni e Zokebed, leski bibi; ai voi dias les o Aron ai o Moise. Le bers traimaske o Aram sas de jekh šel ai trianda efta berš.
21 - Šiave katar o Zitsear: Kore, Nefeg ai Zikri.
22 - Šiave katar o Uziel: Mišael, Eltsafan ai Sitri.
23 - O Aron lias romni e Elišeba, šei katar o Aminadab, phei katar o Nas-son; ai voi dias les o Nadab, Abiu, Eleazar au Itamar.
24 - Šiave katar o Kore: Asir, Elkana ai Abiasaf. Kace si le famili le Koreti.
25 - O Eleazar, šiav katar o Aron, lias romni jekh anda le seia katar o Putiel; ai voi dias les o Fine.
26 - Kace si kudo Aron ai kudo Moise, kaste o Baro Del phendias: Ankalav avri ando o cem e Ezipta le šiave katar o Israel, sar si lenge armi.
27 - Von si kai den duma ka o Faraono, amperato anda e Ezipta, thankalaven avri anda e Ezipta le have anda o Israel. Kace si kudo Mol se ai kudo Aron.
28 - Kana o Baro Del dias duma ka o Moise ando o cem e Ezipta.
29 - O Baro Del phenel ka o Moise: Me sim o Baro Del. Phen le Faraonoske, amperato anda e Ezipta, sogodi phendem tuke.
30 - Ai o Moise del palpale angla o Baro Del: Eta, Nastiv dav duma misto; sar o Faraono asunela mande?
KAPITOLO 7
1 - O Baro Del phenel ka o Moise: Dik, kerav anda tute Del angla o Faraono; ai o Aron, tiro phral, avela tiro profeto.
2 - Ton, tu phenesa sa so dav tu ordina; ai o Aron, tiro phral, dela duma ka o Faraono, te mukel te ziantar le šiave anda Israel avril anda lesko cem.
3 - Ai me, zuralava o ilo le Faraonosko, ai butiarava mirre slemnuri ai mirre cudni ando o cem e Ezipta.
4 - O Faraono ci asunela tumende. Cava murro vas pe e Ezipta, ai ankalavava avril anda o cem e Ezipta mirre armi, murro narodo, le šiave katar o Israel, pe bare krisa.
5 - Le Eziptianuri zianena ke me sim o Baro Del, kana cava murro vas pe e Ezipta, ai ke ankalavava avril maskar lende le šiave katar o Israel.
6 - O Moise ai o Aron kerde so o Baro Del dias len ordina; Von kerde kadia.
7 - O Moise sas oxto-var-des bersengo, ai o Aron oxto-var-des ai trine bersengo, kana von dine duma ka o Faraono.
8 - O Baro Del phenel ka o Moise ai ka o Aron:
9 - Te o Faraono del tumencar duma, ai phenel tumenge: Keren jekh cudenia! Tu phenesa ka o Aron: Le tiri rovli, ai sudela angla o Faraono. Voi kerdiola jekh sap.
10 - O Moise ai o Aron gele paša o Faraono, ai von kerde so o Baro Del dias len ordina. O Aron sudias peski rovli angla o Faraono ai angla leski slugi; ai voi avili sap.
11 - Numa o Faraono akharel le godiaver ai le fermikutori; ai le drabarne anda e Ezipta, vi von, keren kadia katar lenge farmici.
12 - Von šude sa penge rovlia, ai von kerdile sapa. Ai e rovli katar o Aron nakhadias lenge rovlia.
13 - O ilo le Faraonosko zurailo, ai vo ci asunel ka o Moise ai o Aron sar ke o Baro Del phendias.
14 - O Baro Del phenel ka o Moise: O Faraono si lesko ilo zuralo; vo ci mukel te zialtar o narodo.
15 - Zia ka o Faraono de diminiac; vo anklela avri te zial ka o pai, ai tu sikadiosa angla leste po o berego le paiesko. Tu lesa ande tiro vas e rovli kai sas parrudi sar sap.
16 - Ai tu phenesa ka o Faraono: O Baro Del, o Del katar le Ebreu, tradias ma paša tute, te phenel tuke: Muk te zialtar murro narodo, eta te sluzil ma ando deserto, Ai eta, zi akana ci asundian mande.
17 - Kadia del duma o Baro Del: Pe kacia tu zianesa ke me sim o Baro Del. Me marav le paia mirra rovliasa kai si ande murro vas; ai von avena parrude ando rat.
18 - Le masie kai si ando pai merena, o pai rimolape, ai le Ezipturi zumavena intaino te pen pai.
19 - O Baro Del phenel ka o Moise: Pe ka o Aron: le tire rovli, ai vaze o vas pe le paia le Eziptianonge, pe le paihorro, pe le cinorre paia, pe le balti, ai pe sogodi tidelpe o pai, Von avena rat; ai avela rat ande sa o cem ande e Ezipta, ande le kanti kaštune ai ande le kanti barrune.
20 - O Moise ai o Aron kerde so o Baro Del dias le ordina. O Aron vazias e rovli, ai mardias le paia kai sas ando baro pai, angla le jalha le Faraonoske ai angla le jakha leske slugenge; ai sa le paia le bare paieske parrudisaile rat.
21 - Le masie kai sas ando pai mule, o pai rimosailo, le Ezipturi nastine mai penas pai anda baro pai, ai sas rat ande sa o cem e Ezipta.
22 - Numa le drabarne anda e Ezipta kerde sa kadia katar pengo drabarimos. O ilo le Faravonosko zurailo, ai vo ci asunel ka o Moise ai o Aron, sar ke o Baro Del phendias.
23 - O Faraono gelo palpale, ai gelo ande pesko kher; ai vo inke e lias ande pesko ilo kudala dieli.
24 - Sa le Ezipturi unaven krugom o pai, tharakhen pai te pen; ke nastine pen pai anda o pai baro.
25 - Nakle efta dies, pala ke o Baro Del mardias o pai.
26 - O Baro Del phenel ka o Moise: Zia karing o Faraono, ai tu pheneas leske: Kadia del duma o Baro Del: Muk te zialtar murro narodo, eta te sluzil ma.
27 - Tena mukena le te ziantar, me marav katar le braski sa so si po cem.
28 - O pai avela sar le ciria katar le braski; von anklen, ai von den ande tiro kher, ande e komnota kai soves ai ande tiro can, ande le khera tire slugenge ai ande kudala tire narodoske, ande tire bova ai kai peken o manrro.
29 - Le braski anklena pe tute, pe tiro narodo, ai pe tire slugi.
KAPITOLO 8
1 - O Baro Del phenel ka o Moise: Phen kas o Aron: Vaze tiro vas la rovliasa pe le paia, pe le cinorre paia ai pe le balti, ai ker thanklen avri le braski pe cem o Ezipta.
2 - O Aron vazias o vas pe le paia ande e Ezipta; ai le braski ankliste avri ai pherde o cem ande e Ezipta.
3 - Numa le drabarne kerde sa jekh fialo katar pengo drabarimos. Von kerde thanklen avri le braski pe o cem e Ezipta.
4 - O Faraono akharel o Moise ai o Aron, ai phenel: Rrudine le Bare Devles, eta te duralel le braski mandar ai mirre narodoštar; ai mukava te zialtar o narodo, te del sakrifisuri le Bare Devles.
5 - O Moise phenel ka o Faraono: Bariardio pe mande! Kana rrudima me le Bare Devles mistimasa tuke, mistimasa tire slugenge ai tire narodoske, eta te lel palpale le braski tutar ai katar tire lhera? Mai avena ferdi ando a pai.
6 - Vo del palplae: Pe teara. Ai o Moise phenel: Kadia avela, eta ke tu te zianes ke khonik nai sar o Baro Del, amaro Del.
7 - Le braski duriona tutar ai katar tire khera, katar tire slugi ai katar tiro narodo; Mai avena ferdi ando o pai.
8 - O Moise ai o Aron ankliste avri katar o Faraono. Ai o Moise cipil po Baro Del pala le braski kai vo sudias po Faraono.
9 - O Baro Del kerdias so manglias o Moise; ai le braski mule ande le khera, ande le baria ai ande le kimpuri.
10 - Tide le ande jekh can, ai o cem khandel.
11 - O Faraono, dikhlias ke sas muklimos, zuraldias pesko ilo, ai ci asunel ka o Moise ai ka o Aron, sar ke o Baro Del phendiasas.
12 - O Baro Del phenel ka o Moise: Phen ka o Aron: Vaze tiri rovli, ai mar e pulberia la phuviaki. Voi parrudiol zuva, ande sa o cem ande e Ezipta.
13 - Von kerde kadia. O Aron vazias pesko vas, la rovliasa, ai vo marel e pulberia la phuviaki; ai voi parrudisaili zuva pe le manuš ai pe le zigeni, Sa e pulberia la phuviaki parrudisaili zuva, ando o cem e Ezipta.
14 - Le drabarne zumaven penge drabarimos te keren zuva; numa von nastine. Le zuva sas pe le manuš ai pe le zigeni.
15 - Ai le drabarne phenel ka o Faraono: Si o nai le Devlesko! O ilo le Faraonosko zurailo, ai ci asunel ka o Moise ai ka o Aron, sar o Baro Del phendiasas.
16 - O Baro Del phenel ka o Moise: Usti de diminiac, ai sikadio angla o Faraono; vo anklela avri te zial paša o pai. Tu phenesa leske: Kadia del duma o Baro Del: Muk te zialtar murro narodo, eta te sluzilma.
17 - Tena mukesa te zialtar murro narodo, me tradav le mucia vetreime pe tute, pe tire slugi, pe tiro narodo ai pe tire khera; le khera le Eziptianonge avena pherde macia, ai e phuv pherdi.
18 - Numa, ande kudo dies, lava sama ando cem o Gosen kai bešel murro narodo, ai koce ci avena mucia, eta te zianes ke me, o Baro Del, si maskar kudo cem.
19 - Cava jekh ulaimos maskar murro narodo ai tiro narodo. Kado semno avela teara.
20 - O Baro Del kerdias kadia. Avile but macia vetreime ando o kher le Faraonosko ai leske slugenge, ai sa o cem si pharrado katar le macia.
21 - O Faraono akharel o Moise ai o Aron, ci phenel: Den sakrifisuri tumare Delves ando o cem.
22 - O Moise del palpale: Nai misto te keras kadia; ke ame dasa ka o
Baro Del, amro Del, sakrifisuri kai si vurrito ka le Ezipturia. Ai ame te dasa, angla lenge jakha, sakrifisuri kai si vurrito ka le Ezipturi, e mundaren ame von barrencar?
23 - Ame ziasa trine dies phirimasa ando o deserto, ai ame dasa sakrifisuri ka o Baro Del, amaro Del, so vo mucola amenge.
24 - O Faraono phenel: Mukav tume te zian, te den ka o Baro Del, tumaro Del, sakrifisuri ando o deserto; ferdi, na durione, kana ziana. Rrudine mange.
25 - O Moise del palpale: Me ankliav avri tutar, ai me rrudiva le Bare Devles. Teara, le macia duriona katar o Faraono, katar leske slugi ai katar lesko narodo. Numa, o Faraono tena mai dirialel, tena kamel te mukel te zialtar ta o narodo, te del sakrifisuri le Bare Devles.
26 - O Moise anklisto avri katar o Faraono, ai vo rrudil le Bare Devles.
27 - O Baro Del kerdias so manglias o Moise; ai le macia dur ile katar o Faraono, kastar leske slugli ai lesko narodo. Ci asili jekh.
28 - Numa o Faraono, mai kadia data, zuraldias pesko ilo, ai ci muklias te zialtar o narodo.
KAPITOLO 9
1 - O Baro Del phenel ka o Moise: Zia karing o Faraono, ai tu phenesa leske: Kadia del duma o Baro Del, o Del katar le Ebreu: Muk te zialtar murro narodo, eta te sluzil ma.
2 - Tena mukesa les te zialtar, ai tu temai ninkeresa les,
3 - Eta, o va le Bare Devlesko avela pe tire zigeni kai si ande le kimpuri, pe le gras, pe le magari, pe le gumuli, pe le guruva ai pe le bakria; avela jekh sasem baro merimos.
4 - O Baro Del lela sama maskar le zigeni katar o Israel ai le zigeni katar le Ezipturi, ai ci xasavola kanci anda sa so si katar le šiave anda o Israel.
5 - O Baro Del codia e vramia, ai phenel: Teara, o Baro Del kerela kadia ando o cem.
6 - Ai o Baro Del kerdias kadia, de tearin. Sa le zigeni katar le Eziptianuri xasaile, ai ci xasaili jekh zigania anda le zigeni katar le šiave anda Israel.
7 - O Faraono pusiel so arasliasas; ai eta, ci jekh zigania anda le zigeni katar o Israel ci xasaili. Numa o ilo le Faraonosko zurailo, ai vo ci mukel te zialtar o narodo.
8 - O Baro Del phenel ka o Moise ai ka o Aron: Pheren tumare vas pulberia boveske, ai ke o Moise sukel la karing o cerik, angla le jakha le Faraonoske.
9 - Voi avela jekh pulberia kai pherela sa o cem e Ezipta; ai voi kerela, ande sa o cem e Ezipta, pe le manuš ai pe le zigeni, phugnia kerdione katar jekh pharraimos khandimasa.
10 - Von line pulberia boveske, ai sikadile angla o Faraono; o Moise sudias la karing o cerik, ai vo kardias pe le manuš ai pe le zigeni phugnia kerdione katar jekh pharraimos khandimasa.
11 - Le drabarne nastine aven angla o Moise, katar le phugnia; ke le phugnia si pe le drabarne, sar si pe sa le Eziptianuri.
12 - O Baro Del zuraldias o ilo le Faraonosko, ai o Faraono ci asunel ka o Moise ai ka o Aron, sar ke o Baro Del phendiasas ka o Moise.
13 - O Baro Del phenel ka o Moise: Usti diminiac, ai zikadio angla o Faraono. Tu phenesa leske: Kadia del duma o Baro Del, o Del katar le Ebreu: Muk te zialtar murro narodo, eta te sluzil ma.
14 - Ke, kadia data, me tradav sa mirre dukha pe tiro ilo, pe tire slugi ai pe tiro narodo, eta te zianes ke khonik nai jekh fiala sar mande pe sa e phuv.
15 - Te me vazemas murro vas, ai te mardemas tut katar o merimos, tu ai tiro narodo, tu avilianas bilado katar e phuv.
16 - Numa, muklem tu te trais, eta te dikhes mirri zor, ai ke te penen murro anav pe sa e phuv.
17 - Te mai vazesa tu pe murro narodo, ai tu tena mukesa les te zialtar,
18 - Eta, kerava te pitial teara, ka kado caso, jekh babica kadia zurali, kai nas siova kadia jekh fialo ande e Ezipta dikine o dies kai sas codini zi adies.
19 - Co rigate tire zigeni ai sogodi si tiro ande le kimpuri. E babica perela pe sa le manuš ai pe sa le zigeni kai si ande le kimpuri ai kai nas tidine ande le khera, ai von xasavona.
20 - Kudala le slugi katar o Faraono kai daranas katar e vorba le Bare Devleski andine ande le khera penge slugi ai lenge zigeni.
21 - Numa kudala kai ci line ande pengo ilo le vorbi le Bare Devleske mukle penge slugi ai penge zigeni ande le kimpuri.
22 - O Baro Del phenel ka o Moise: Vaze tiro vas karing o cerik: ai te perel e babica ande sa o cem e Ezipta pe le manuš, pe le zigeni, ai pe sa le caria le kimponge, ando o cem e Ezipta.
23 - O Moise vazias peski rovli karint o cerik; ai o Baro Del tradias rrondoturi ai e babica, ai e jag te phiravenpe pe e phuv. O Baro Del kerdias te pitial e babica po sa o cem e Ezipta.
24 - Ai perel e babica, ai e jag amisaili la babicasa; voi sas kadia zurali kai nas ziova kadia ande sa o cem e Ezipta dikine si voi cem.
25 - E babica maladia, ande sa o cem e Ezipta, sa sogodi sas ande le kimpuri, de katar le manuš zi ka le zigeni; e babica maladia vi le caria ande le kimpuri, ai phaglia sa le slaki ande le kimpuri.
26 - Ferdi ande o cem o Gosen, kai sas le šiave katar o Israel, ke nas babica.
27 - O Faraono akharel o Moise ai o Aron, ai phenel lenge: Kadia data, kerdem bezexa; o Baro Del si vorta, ai me ai murro narodo sam le došale.
28 - Rrudine le Bare Devles, tena mai avel rrondeturi ai babica; ai me mukava tumen te ziantar, ai ci ninkerena tumen.
29 - O Moise phenel leske: Kana ankliava avri anda o foro, va
